Хүсэлд хязгаар үгүй, харин хугацаа хэрэгтэй. Гэхдээ миний одоо бичих гээд байгаа зүйл хүсэл үү, шунал уу гэдгийг би ялгахгүй байна. Аан хэрвээ шунал бол шуналд хязгаар хэрэгтэй л байж таарна мэдээж. За гэхдээ хүсэл, шунал 2-ын дунд эргэлзэж байхаар ерөөсөө л мөрөөдөл гээд нэрлэчихье. Мөрөөдөхөд мөнгө төлөх шаардлагагүй, хязгааргүй мөрөөдөж болно биз дээ энэ чинь...
За илүү үг нуршаад байхаар гол асуудлаа бичье.Хэдэн сарын өмнө гудамжинд явж байгаад би нэгэн сайхан "амьтныг" олж харсан юмаа. Тэгээд л шууд анхны харцаар дурлачихсан. Тэр өдөржин, тэгээд маргаашжин, нөгөөдөржин надад тэр сайхан "амьтан" бодогдоод л байсан, бодогдоод л байсан.
Тэгээд нэг өдөр нөгөө сайхан "амьтныхаа" тухай мэдээллийг нетээс хайж олохоор шийдлээ. Түүнийхээ зургийг нь бас түүхийг нь олоод л авсан. Энэ байна, харах уу?
Үнэхээр сайхан "амьтан" байгаа биз дээ, аан? Яг энэ загварт, яг энэ өнгөнд би жинхэнээсээ шунан дурлаж байна. Үнэн цоглог өнгө, үнэн тач загвар....
Энэ сайхан "амьтныхаа" түүхийг уншлаа. Peter Schreyer гэж герман хүн зохион бүтээсэн юм байна. Тэр битгий хэл энэ загварын нэрийг Tiger Nose гэдэг юм байна. Барын мишээлт гэж монголоор орчуулсан байна.
Тэгээд энэ машинд тэгтлээ шунан дурласныхаа учрыг оллоо. Миний охины жил, нэртэй болохоор л би тэгтлээ сэтгэл алдарсан юм шиг байна.
Хэзээ нэгэн цагт чамайг би өөрийн болгоно гэж мөрөөдөөд сууж байя даа.... Мөрөөдөлд хязгаар үгүй, мөрөөдөхөд мөнгө төлөх шаардлагагүй. Мөрөөдөл биелдэг.
0 Сэтгэгдэл:
Post a Comment