Би хааяа амарч байхдаа иймэрхүү агаарын шоуны бичлэг үзэх дуртай. Сэтгэл сэргэдэг байхгүй юу онгоцны дуу сонсохоор. Хэн нь ч билээ дээ намайг нэг удаа ийм бичлэг үзээд сууж байсан чинь "ямар сонин юм сонирхдог юм бэ?" гээд гайхаад байсан.
Би чинь Налайхын хүүхэд. Миний багад манай Налайх чинь диваажин байлаа. Тэр үед оросын нисэхийн цэргийн анги тэнд байсан болохоор онгоцны дуу сонсохоор тэр сайхан цаг үе дурсагддаг юм л даа. Зуны цагт лагерьт гараагүй үедээ бол өдөржин онгоцны дуунд л гадаа тоглоод өнгөрдөг байсан. Долоо хоногийн тэгш гаригуудад нь нислэг үйлддэг байсан юм. Тэгээд бид нар "ёоо өнөөдөр чинь нислэгтэй өдөр, одоо чих амраахгүй ээ" гээд л өөрсдөө нисэх гэж байгаа юм шиг л төвөгшөөгөөд үглэдэг байж билээ.
Монгол нисгэгчид бол тээр дээгүүр, холуур ниснэ. Орос нисгэгчид бол цочтол, гэв гэнэт сүнхийтэл гарч ирээд, манай муу 5 давхар байшингийн дээр ирж буучих шахаад л нисдэг байж билээ. Тэгээд яг байшингийн дээгүүр эргэлдээд л.... Онгироо гэдэг нь.
Саяхан нэг нетээр тэнээд, элдвийн юм уншиж явж байгаад социализмын үед Монголд Налайхад байсан нэг нисгэгч "Налайх бол жинхэнэ диваажин байсан" гээд л дурсаж бичсэн байсныг нь олж уншихад их таатай байлаа. Одоо хүмүүс Гордоок (городок) гэж нэрлээд хэвшсэн тэр үеийн Нисэхийн цэргийн хотхон. Тэгээд нээрээ сониноос, тэр үед Налайхад байсан нисгэгч нарын дурсамжийг уншиж байгаад 1985 онд Городокод нисдэг таваг бууж байсан талаар олж уншсаншдээ. Бид нар тэр үед юу ч сонсоогүй, мэдээгүй өнгөрсөн мэдээг тээр олон жилийн дараа интернетийн буянаар олж уншиж байгаа юм даа. Интернет гээч юм бий болоогүй байсан бол одоо тэгээд юу ч мэдэхгүй өнгөрөх нь байнашд.
2007 онд Америкууд ингэж "зүрхний бичлэг" хийсэн байна. Би л ингэж нэрлэж байгаан шүү ккк...
2011 онд оросуудын хийсэн "зүрхний бичлэг".
0 Сэтгэгдэл:
Post a Comment