Шинэ он гараад хэдхэн минут өнгөрч байна. Одоо Москвагийн цагаар шинэ он гарахыг хүлээнэ дээ.
Энэ жил шинэ жилийг их даруухан тэмдэглэхээр шийдсэн. Харин тэгтэл санамсаргүйгээр хамгийн сайхан тэмдэглээд өнгөрөөчих шиг боллоо. Хүүхэд байхад ч шинэ жил дандаа л хамгийн гоё тэмдэглэгддэг байсан л даа. Яагаад гэхээр өөрөө хоол хийдэггүй байсанд юм байна.
Харин сүүлийн жилүүдэд бол баярлана гэдэг нь идэх, идүүлэх гэсэн үг юм шиг л учиргүй баахан хоол хийгээд л цагийг бардаг байснаа өнөөдөр л мэдэвшд.
Өчигдөр орой хэдэн бууз чимхээд хөлдөөсөн. Чихэр жимс элдвийн амттан зориуд аваагүй. Охины диатез хэрээс хэтрээд байгаа учраас. Гэхдээ шинэ жилийн үнэрийг заавал гаргах хэрэгтэй гэж бодоод мандарин авсан. Өнөө өглөө Скай орж 1 кг гаран Милая торт авсан. Өмнөх жилүүдэд авч байсан том тортны үнээр энэ жил ийм жижигхэн торт авч байнашд. Өдөр гадуур явж байгаад орой ирээд нийслэл салат, шинэ ногооны салат хийсэн. Шампанскаа аваад тавьчихсан байсан л даа. Тэгээд орой ундаа, жүүс дэлгүүрээс аваад л баярын ширээгээ даржин ч гэсэн зассан.
Урьд нь 31-нд өглөө босоод л 7-8 төрлийн салат хийгээд л, хоол, цай гээд баахан юм болоод юун баярлах, бөөн ядралт болоод дуусдаг байсан юм байнашд. Ядарч ядарч арай гэж ажлаа дуусаад л тэгээд баахан элдэв төрлийн юм хольж идэж уугаад л тэгээд өнгөрнө. Тухтай ч зурагт үзэж чадахгүй.
Харин өнөөдөр бол жинхэнэ кайфтай байлаа. Элдвийн хоол унд хийгээгүй болохоор тэгтлээ их ажил болж ядраагүй. Тухтай нь аргагүй диван дээрээ хэвтээд зурагт үзсэн. 25-р сувгаар Их хотын үдэш үзээд үнэн жаргалтай байлаашд. Манай охин дуу явахаар л нээх хөөрхөн бүжиглэхийн. 2 тийшээ найгаад л, эргэлдээд, гараа өргөөд л , алгаа ташаад л хөөрхөн юмаа. Бүжиглээд байхаар нь ёлканы гэрлийг нь асаагаад өгсөн чинь "гого" гээд баярлаад бүр эгдүүтэй бүжиглээд... Гадаа салют буудаад эхлэхээр цонхоор харуулсан чинь гайхаад баярлаад... Охиныхоо баярлахыг харах чинь жинхэнэ жаргал юм гээч.
За за "үг, юбка 2 богинохон байх тусмаа сайн" гэж өнөөдөр Их хотын үдэш дээр Маск Баярмагнай хэлсэн кккк....
Ямартай ч шинэ он сайхан гарлаа. Энэ жил чинь их сонирхолтой жил гээд байгаа биз дээ.
0 Сэтгэгдэл:
Post a Comment