За өнгөрсөн төрсөн өдрийн шоу 28-ны 03 цаг хүртэл үргэлжилсэн. Төрөх цаг болохоос цагийн өмнө... Яг түүхэн цаг тохиож байхад дуг нойрондоо дугжирч байлаашд. Аав ээж 2 намайг яг үүрийн 4 цагт төрсөн гэж ярьдаг байсан, бодвол үнэн биз... Манай охин яг 13 цаг 52 минутанд төрсөн болохоор би тэр цагт нь шампанск буудуулсаншд 1 насных нь ойгоор. 2 настайд нь бол тоогоогүй. Дараа дараагийн жилээс тэр ёс заншлаа хэвшүүлнэ гэж бодоод байгаа. Бас ч гэж, цайны цагаараа шампанск буудуулах хувьтай төрсөн хүүхэд байгаа юм. Би бол ямар үүрийн 4 цагт түс тас хийлгээд шампанск буудуулаад байлтай биш. Ёстой дэмий цагт төрсөн. Манай нэг зээ дүү орой 20 цаг 30 минутанд төрсөн. Тэр бол шампанск буудуулахад хамгийн тохиромжтой цаг. За энэ ч яахав.
5 дахь өдрийн орой ажлынхантайгаа гараад нэг лонжид суугаад... ВИП өрөөнд нь... Хөзөр тоглоод... Би хөзөр сайн тоглодоггүй болохоороо баахан загнуулав. 10 жилд байхад аав хөзөр тоглуулдаггүй байсан болохоор би их муу. "Энэ насан дээрээ л тоглож болохгүй шүү, донтох өвчтэй болно" гээд тоглуулдаггүй байж билээ. Одоо бодоход зөв байсан ч юм шиг. Хөзөр даалуу гэх мэтийн тоглоомонд одоо ёстой шунан дурладаггүйшд. Дунд сургуульд байхад зуны амралтаараа лагерь дээр байхад айлын хүүхдүүд аймаар хөзөр, даалуу тоглодог байж билээ. Би ч нэг хэсэг тоглох гэж үзсэн л дээ. Гэхдээ аав загнаад больж байсан юм.
Дараа нь тэндээсээ гараад Чикаго гэдэг найет клаб ороод... Миний уусан пиво амаар гарчих гээд... Тэнд ёстой хэцүү байж байгаад нэг юм дуусгаад гэртээ харьсан. Тэгээд маргааш орой нь яг жинхэнэ өдрөөрөө найзуудтайгаа гарах байсан залхуу хүрээд... Тэгээд л миний баяр өнгөрөх шив дээ. Ёсыг бодож гэртээ нэг торт л авсан.
Өчигдөр охин хажууд үглээд л байсан, нээх анзаарахгүй л байгаад байлаа. Нэг сонссон чинь нэг л танил дуу дуулаад байгаа ч юм шиг. Тэгэхээр нь чих тавиад сонссон чинь: "Маамаа нааший, манаа тодоо..." гээд л байх юм. Маамуу нааш ир, манайд 2-лаа тоглоё гэж байгаа юм байна л даа. Тэгээд чимээгүй сонсоод л байсан чинь "бишээ, гоёо гоёо гоёо" гээд л бас дуулаад байна. Нээх хөөрхөн. Ямар ч байсан Маамаа нааш ир, Чигчийн чинээ бишээ гэдэг 2 дуутай л болсон юм байна. Сүүлийн хэдэн өдөр бүр овоо яриад байгаа. "Болиочээ, дууай" гээд байгаа. Дуугай бай гэж загнаж байгаа царай нь. Овоо хэдэн үг хэлээд шулганаад л байгаа. Ойр зуур гар хөлийн үзүүрт зарагдаад... Гэхдээ хэн нэг гадны хүн харахаараа дуугаа хураагаад томоотой болчихдог нэг сонин зантай.
0 Сэтгэгдэл:
Post a Comment