Дураараа гэхэд дэндүү дураараа, зөрүүд гэхэд дэндүү зөрүүд энэ хүүхдийг би яаж аргыг нь олохоо мэдэхгүй байнаа. Арай л дэндүү өөрийнхөөрөө зүтгэх юмаа. Одоохондоо учир мэдэхгүй жоохон юм чинь гээд уучлах гэхээр бас болохгүй юм.
Өчигдөр орой ажлаасаа тараад дагуулаад гадагшаа гарсан чинь надтай хөтлөлцөж явахгүй, заавал өөрөө явна гэнээ. Тэгээд заавал зам дээр нуруугаа үүрээд алхана гэнэ. Машин ирж байсан ч тоохгүй. Машинаас айх гэдгийг одоохондоо мэдэхгүй байна л даа. Тэгэхээр нь тэврээд явъя гэсэн чинь "үгүй ээ" гээд тийчилчих юм. Аргагүйн эрхэнд хүч хэрэглэхээс өөр аргагүй болж байгаа юм чинь. Тийчлээд, хамаг биеэ хүчлээд чангалчихаараа надад дийлдэхгүй бас хэцүү. Арай гэж л дийллээ.
Дэлгүүрт орохдоо шат өөд заавал өөрөө гарна гэнэ. Бас л миний тусламж хэрэггүй. Шатны уруу бас өөрөө... Ерөөс энэ хүүхэд ээжийнхээ гараас хөтөлж туслалцаа авах шаардлагагүй юм байхаа. Би би би өөрөө л гээд байх юм.
Дэлгүүрт ороод өөртөө таалагдсан барааг бас заавал барьж үзэж байж тавина гэнэ шүү. Шил шаазан эдлэлийг гүйж очоод л барьж үзээд.... Хагалчихвий гээд л яс хавталзаад явлаа.
Хадгаламжийн дансанд нь хэдэн төгрөг хийчихье гээд банк руу орсон чинь теллерийн өмнөх тавагтай чихрийг харангуутаа идэж явсан модтой чихрээ шууд банкны шалан дээр хаячихсан. Санаа зовмоор... Аваачээ чи гэсэн чинь тавагтай чихэр лүү хараад хөдөлдөггүй. Нэг чихэр аманд нь хийгээд өгсөн чинь сая нэг юм газар хаясан иштэй чихрээ аваад хогийн саванд хийж байгаа юм даа. Яахаараа ийм сонин зантай байдаг байнаа.
Нээрээ бас хумсны хутга барьчихаад хөлийнхөө хумсыг заавал өөрөө авна гээд зөрүүдэлчихдэг хүүхэд байгаа юм. Нойтон салфетка барьчихаад ширээ арчаад явна. Тэгснээ чихэр, тараг болсон гараараа халтартуулсан ээжийнхээ гар утсыг нойтон салфеткаар арчаад суучихдаг болсон сүүлийн үед. Гар утсандаа код хийчихсэн чинь боож үхтлээ уурласан. Намайг залхтал чарлаж байгаад кодыг нь тайлуулаад Инбокст байсан мессежнүүд рүү хариу илгээчихэж байгаа юм. Тэр бичсэн мессежнүүд нь мэдээж галзуу хүний бичсэн өдрийн тэмдэглэл гэдэг шиг... Долоовор хуруугаа могжийлгоод л утасны дэлгэц дээр тоншиж өгч байгаа юм чинь. Гар утсан дээр тэмдэглэсэн дугаарууд руу хүртэл мессеж бичээд... Ахынхаа багш руу хүртэл замбараагүй тэмдэгтүүд илгээгээд ээжийгээ онигоонд оруулж байгаа юм чинь. Багш авгай гайхсан байх даа.
Зөрүүд эрийг номхруулсан нь гэдэг кино шиг энэ зөрүүд охиныг номхруулах жор хэрэгтэй байна даа надад...
Нээрээ бас хумсны хутга барьчихаад хөлийнхөө хумсыг заавал өөрөө авна гээд зөрүүдэлчихдэг хүүхэд байгаа юм. Нойтон салфетка барьчихаад ширээ арчаад явна. Тэгснээ чихэр, тараг болсон гараараа халтартуулсан ээжийнхээ гар утсыг нойтон салфеткаар арчаад суучихдаг болсон сүүлийн үед. Гар утсандаа код хийчихсэн чинь боож үхтлээ уурласан. Намайг залхтал чарлаж байгаад кодыг нь тайлуулаад Инбокст байсан мессежнүүд рүү хариу илгээчихэж байгаа юм. Тэр бичсэн мессежнүүд нь мэдээж галзуу хүний бичсэн өдрийн тэмдэглэл гэдэг шиг... Долоовор хуруугаа могжийлгоод л утасны дэлгэц дээр тоншиж өгч байгаа юм чинь. Гар утсан дээр тэмдэглэсэн дугаарууд руу хүртэл мессеж бичээд... Ахынхаа багш руу хүртэл замбараагүй тэмдэгтүүд илгээгээд ээжийгээ онигоонд оруулж байгаа юм чинь. Багш авгай гайхсан байх даа.
Зөрүүд эрийг номхруулсан нь гэдэг кино шиг энэ зөрүүд охиныг номхруулах жор хэрэгтэй байна даа надад...
0 Сэтгэгдэл:
Post a Comment