Ямар гоё өглөө вэ?

Ямар гоё өглөө вэ? Яасан сайхан сүлэрсэн хорвоо вээээ гэдэг шиг. Хаврын синдром хөдөлгөх шахсан өглөө байна ккк...

Өглөө охинтойгоо гарч яваад хуучин ажлынхаа нэг бүсгүйтэй тааралдаад... Хүүе ээ энэ ээжээсээ яасан өөр хүүхэд вэ гэнээ кекеке. Нэлээн хэдэн жилийн өмнө манай 10 жилийн ангийн охины нөхөр нь хүүхдээ салхилуулаад гадаа явж байхаар нь "энэ лав аавтайгаа адилхан хүүхэд биш байнаа" гэсэн чинь "өө яахав яахав өөр хүнтэй л адилхан биш бол болоо" гэж инээд хүргэж байсан санагдаад...

5 дахь өдөр, бас дээр нь цаг агаар ийм гоё. Жинхэнэ шоуддаг өдөр байна. Даанч цалин буугаагүй, цалин буутал мөнгө байхгүй ккк. Хэн нэг нь даая гээд дуудаасай. Тэгвэл бөөн дур давхиад очноо. 

Ойрд орой хүүхдээ харуулах "менежментийн гэрээ"-тэй байгаа болохоор ажил тараад яарахгүй, сайхан тайван харьдаг болсон. Өчигдөр орой 2 найзыгаа уруу татаж фитнесст явуулахаар болоод. Газар дээр нь очиж үзүүлж, сонирхуулж байж уруу татлаа. 

Тэндээс гараад Central tower дотор байдаг дэлгүүрүүдээр ороод... Нээх их мөнгөтэй хүн шиг л баахан брендийн бараа сонирхоод, авах гэж байгаа юм шиг худлаа үнийг нь асуугаад л явав. Хамгийн хямдхан нь Esprit юм байналээ. Тэнд нэг дажгүй цув өмсөж үзээд, авна гээд төлөвлөчихсөн. Цалин буухаар очиж авнаа, хүн авчихгүй л бол. Аан тэнд дууслаа гэхэд Нарангийн өөр салбарт нь байх байлгүй дээ. 

Хааяа дэлгүүр хэсэх ч сайхан шүү. Нэлээн хэд хоногийн өмнө ажлаа тараад харьж явсанаа гэнэт дэлгүүр хэсмээр санагдаад... Дэлгүүр хэсэх гаж дон хөдлөнгүүт шууд шинээр нээгдсэн Наран ороод... Наранмолл гэж байсан байхаа, тэр хүүхдийн 100-д баригдсан шинэ барилга нь... Тэгж нэг хорхойгоо дарж санаа амарч байгаа юм чинь.

Маргааш нөгөөдөр 2 фитнесстээ явнаа. Сая сүүлийн 2 өдөр явсангүй. Ажил руугаа хувцсаа чирж явахаас залхуу хүрээд байх юмаа. Амралтын өдрөөр гэрээсээ тухтай явна даа. Нээрээ фитнесс дээр хэмжилт хийлгэсэн чинь би 1 см-аар намхан болчихсон байх юм. Аймаар гайхсан. Хэдэн жилийн дараа миний охин "Жилээс жилд жижгэрсэээн, Жижигхэн буурал ээж минь эээээ.... " гээд дуулж байх юм биш биз дээ аан хахахах... 

Хөгшрөөд нас явах тусам нуруу нь бөгтийгөөд намхан болдог юм болуу? Үгүй ээ би арай л бөгтийж эхлээгүй л байлтай. Ямар ч байсан хөдөлгөөний дутагдлаас л ангижрах ёстой юм байна шүү.

Өнөө орой шоудах мөнгөгүй юм чинь эртхэн харьж сайхан гэрээ цэвэрлэж, хувцас хунараа угааж, амралтын өдрийн бүх ажлуудаа амжуулчихаад 2 өдөр сайхан амарнаа. Маргааш тайван фитнесстэй явчихаад орой нөгөө Бэйлис уугаад тасраад утсаа авдаггүй найзындаа очношдээ. Очиж Бэйлис ууж тасарч үзье байз.