Өдөр нь нойрмоглоод унтчих гээд, шөнө нь сэрвэлзээд унтаж чадахгүй яачихсан хорвоо вэ энэ чинь? Нээх сайхан бөх гэгч нь унтах юмсан. Нозоороод, нойрмоглоод, нойрны дутагдалд ороод хэрэг алгаа.
Өчигдөр орой фитнесст яваад. Иогийн дасгалд нь ороод... Би бол мод мод. Бүр хөшчихсөн, уян хатан чанар түй ч байхгүй байгаа юм чинь. Гоё намуухан хөгжмийн аянд дээшээ хараад хэвтэж байгаад гоё юм бодож бясалгах дасгал нь л таалагдсан хахаха. Бусад дасгалууд бол аймаар хэцүү байсан.
Одоо бүх бие хөндүүр болчихсон л сууж байна. Өнөөдөр дахиад явна. Хэсэг яваад гайгүй болох байгаа. Амралтын өдрөөр бүр өглөө эрт очиж гүйе гэж бодоод байгаа.
Дүүтэйгээ хүүхдээ харуулах "менежментийн гэрээ" байгуулчихсан ккк. Харсан хоногоор нь бодоод сард 2 удаа цалин өгнө гэж тохирлоошд. Тэгэхгүй бол хурдан ирж хүүхдээ хар гэж араас утасдаж загнаад амар заяа үзүүлэхгүйшд. Цэцэрлэгээс нь авсан тэгээд л болоо гэж боддог юм шиг байгаа юм. Орой 2-3 цаг миний охиныг харах гэж бөөн юм болох юмаа.
Охин шөнө "үгүй ээ миний, миний" гээд уйлаад байсан. Цэцэрлэг дээрээ хүүхдүүдтэй тоглоомоо булаацалдаж байна гэж зүүдэлсэн байхаа. Тэгж уйлаад намайг сэрээгээд л Хоролмаатчих юмаа. Би тэгээд л унтаж чадаагүй, шөнөжин сэрвэлзчихсэн.
Азаар миний утасны чихэвч компьютерт таардаг юм байна. Хааяа гоё хөгжим сонсож ажлаа хийх боломжтой болсон. Одоо хөгжим сонсож нойртойгоо тэмцэж байна даа.
Сая нэг гадаадад амьдардаг багын найзтайгаа чатлаад... Охин чинь хэнтэй адилхан бэ гэнээ. Яг аав, чигчий хуруу нь л надынхыг дуурайсан гэсэн чинь инээж байна. Нээрээ манай охины гарын чигчий хуруу нь яг минийх шиг мойног. Өөр надтай адилхан юм би олж хардаггүй юмаа. Тэр 2 жижигхэн мойног хурууг харахаар л бүр хайр хүрээд байдаг юм кккк. Аймаар эгдүү хүрч байгаа юм чинь хахаха.
Гоё цоглог дуу сонсож овоо сэргэлээ шүү. За хэдэн дуу татаж авъя байз. Миний дуу татдаг http://zaycev.net/ гэдэг сайт байдаг юм. Шал балай сайт. Гэхдээ байхгүй дуу гэж байхгүй болохоор нь тийшээ орохоос өөр арга байхгүй. Ямар ч дуу татахад бэлэн л байж байна. Үнэн бэлэн сайт, бас үнэн балай ядаргаатай зурагнуудтай сайт. Нүд эрээлжлүүлээд хаячихдаг юм. Админ нь бодвол Зайцев гэж балай нөхөр байдаг байх даа.
0 Сэтгэгдэл:
Post a Comment