Охины цэцэрлэгийн асуудал ОК болсон. Одооны цэцэрлэгтэй нь харьцуулахад гэрээс жоохон зайтай, бас үнэ нь 20 цаасаар хямд. Энэ мөнгөөр чинь цахилгаан, кабелийн төлбөрөө төлчихнө. Хэмнэлттэй бас. Гэм нь орон сууцны байранд. Хүүхдийн цэцэрлэгийн зориулалтгүй. Гэхдээ яахав яахав. Бас ч боломжийн, гадаа салхилуулдаг хөөрхөн жижигхэн тоглоомын талбайтай юм байналээ. Багш нар нь дажгүй санагдсан. Манай хуучин гэрийн хажууд, нэлээн хэдэн жил болж байгаа цэцэрлэг. Шинэ байр ашиглалтанд ороход л байгуулагдаж байсан цэцэрлэг. Багш нар нь ч солигдоогүй хэвээрээ байналээ. 6 сар дуустал ажиллана гэсэн, санаа амар. Намраас сургуульд ортлоо явах нэг аятайхан улсын цэцэрлэгт оруулчихвал тэгээд болох нь тэр.
Ойрд манай охин их ааш муутай байнаа. Яагаад уурлаад байгаа нь мэдэгдэхгүй. Шалихгүй юманд уцаарлаад л уйлаад байх юм. Яагаад байгаагаа хэлж мэдэхгүй болохоор төвөгтэй юмаа. Өчигдөр анги дээрээ 2 удаа хүүхэдтэй тоглоом булаацалдаж уйлсан гэсэн. Олон хүүхдийн дунд орчихоод хүртэл Би гэсэн зангаа тавихгүй, мөн ч зөрүүд хүүхэд юм даа. Хурдхан шиг сайн ярьдаг болоод яагаад байгаагаа хэлдэг болоосой. Яах ёстойгоо мэдэхгүй юмаа. Нэг л юм болохгүй байна даа.
Нэг асуудлыг шийдэхээр л нөгөө асуудал нь гараад ирнээ. Асуудал шийдэх гэж л амьдрах учиртай юм шиг байгаа юм даа.
0 Сэтгэгдэл:
Post a Comment