Өчигдөр

Өчигдөр Сөүл хэйер салон орж үсэндээ хөрөнгө оруулалт хийв. Капитал засвар ч гэх юм уу кекеке. Сүүлийн хэдэн жил өөрийгөө бүүр гаргуунд нь гаргачихсан байсан. Одоо нэг жоохон өөртөө анхаарал хандуулахгүй бол.... Дуучин Нара нэг хэсэг "өөрийгөө би хайж явна" гээд дуулаад байдаг байсан шиг, одоо нээрээ өөрийгөө нэг жоохон тооё доо энэ чинь. Хүүхэд ч овоо гараас гарч эхэлж байна. 

Сөүл салон ч бүр хамаг юм нь хуучраад миарчихжээ. Тэр нэг толгой дээр эргэлдүүлдэг халуун аппарат нь баахан скочдчихсон байхаар нь дээрээс унаад ирэхвий гэж айж суулаа. Гэхдээ дээрээс тэнгэр, дэргэдээс хүмүүс харж байгаа юм болохоор азаар зүгээр өнгөрлөө гээд байхгүй юу хахаха...

Захирал нь гээд нэг солонгос залуу солонгос телевизээ үзээд л сууж байснаа "танай монголчуудыг манай солонгосууд зодож байна" гэнээ. Үс угаадаг охин нь уйлагнасан солонгос дуу сонсоод л ажлаа хийгээд.... Залхаж эхэлж байтал надаа хэдэн Соронз сэтгүүл өгч сайхан хов жив уншиж сэтгэлээ сэргээх боломж олговшд. Тэгж нэг хэсэг хов живд соронзлогдож цаг өнгөрөөлөө. Харин ч нэг сайхан хов жив уншсан даа. 

Түрүүн манай нэг найз "чи надаа орой ажлаа тараад фэйсбүүк, твиттер, блог нээгээд, бас заагаад өг" гэнээ. "За гэнэт юу болов?" гэсэн чинь "Орчин үетэйгээ хөл нийлүүлж алхахгүй бол болохгүй нь" гэнэ шүү. Юун ч орой ухаан суудаг юм бэ дээ. Одоо болтол ядаж блог мэдэхгүй аан.

Өчигдөр орой нээрээ манай охин хивсэн дээр ууж байсан сүүгээ асгачихлаа. Яаж байгаа юм бэ чи? гэсэн чинь аягүй өрөвдөлтэй айсан царай гаргаад... Гэнэт охиноо өрөвдөв. Ойрд нээрээ хэрэг тарих тоолонд нь дандаа бөгс рүү нь алгадсаар байгаад хүүхдээ айлгадаг болчихжээ би. 

- Энэ сүүг хэн асгасан? гэсэн чинь 

- Үгүй үгүй гээд толгойгоо сэгсэрч байна. 

- Чи асгасан биз дээ?

- Үгүй үгүй..

- Тэгээд хэн асгасан? гэсэн чинь над руу хуруугаараа заадаг байнашд. Өөр тэр гээд заачих хүн тэр гэрт байхгүй болохоор над руу л бухахаар шийдэж л дээ хөөрхий.

"Би асгасан юм уу тэгээд?" гэсэн чинь "тийн тийн" гээд  толгойгоо дохиод байгаа юм даа. Тэгэхээр нь гэнэт инээд хүрээд инээчихсэн чинь намайг дагаад учиргүй баясаад л инээж гэнэ. Энэ ашгүй уурлаад зодсонгүй гэж тайвширсан байх даа. Одоо тэгж хүүхдээ алгадаж байхгүй ээ.  Ямар л олигтой байв гэж.  Өчигдөр тэр харц нь нээх өрөвдөлтэй байсан. Гадаа хамт салхилдаг эмээ нараас л болж байхгүй юу. Хүүхдийг өмдөндөө шээгээд байвал хэд сайхан бөгс рүү нь алгадаад өг, тэгэхээр л сурчихдаг юм гээд надаа сургаал ном айлдаад байсан юм. Тэр сургаалийн дагуу үзээд байсан чинь одоо үед бол буруу арга юм шиг байна. Сүүлдээ надаас айгаад худлаа хэлдэг болох нь байнашд. Эмээ нарын үгэнд орж байж буруу замаар будаа тээх нь байна шүү. 

Энэ чинь одоо 21-р зууны хүүхдийг хаа байсан 20-р зууны хүүхдийг номхотгодог эртний монголын арга барилаар хүмүүжүүлж арай болохгүй байлгүй дээ. Зөнгөөрөө тааваараа л хүн болог. Хажууд нь л буруу авир гаргахгүй юм шүү.