Хэрвээ би шидтэн байсан бол .... бла бла бла гээд л дунд сургуульд байхдаа баахан мөрөөдлөө бичээд л зохион бичлэг хийж байлаа. Энийгээ бас оросоор бичнээ. Если бы я была волшебником, то я бы сделала так, чтобы... гээд л урсгаж өгнө.
Тэр үед бичиж байснаа одоо хагас хугас санаад байдаг юмаа. Хүүхдийн хүсэл мөрөөдөл хэзээнээсээ гэнэн бөгөөд тооцоо судалгаагүй том байдаг даа. Манай улс гадаадын кинон дээр гардаг шиг замаараа дүүрэн машинтай болоосой гэж бичиж байснаа сайн санаж байна. Энэ мөрөөдөл одоогийн өндөрлөгөөс харахад биелжээ. Замын түгжрэл гэдэг юмыг социалист нийгмийн мангар бацаан би яахин тооцоолж мэдэх билээ тэр үед.
Дэлгүүр дүүрэн гоё гоё бараа өрөөтэй байдаг болоосой, олон янзын хүүхдийн тоглоом, гоё гоё тод өнгийн хувцаснууд загвар загвараараа байдаг болоосой гээд бичиж байлаа. Одоо энэ мөрөөдөл минь биелсэн байнаа. Гэвч миний хүүхэд нас аль уже өнгөрчихсөн. Өдгөө би өөртөө биш охиндоо юм худалдаж авах гэж тэр дэлгүүрүүдээр орж байна. Гэхдээ л догь, мөрөөдөл биелсэн.
Гоё гоё амттан дүүрэн дэлгүүрээр ороод 100 ширхэг маруужин худалдаж авч идэх юмсан гэж мөрөөдөж байлаа. Өдгөө 100 төрлийн маруужин байдаг болсон ч би 100 ширхэгийг битгий хэл 1 ширхэгийг ч худалдан авах сонирхолгүй болчихсон. Юм элбэг, хүртээмжтэй болох тусам хүний хүсэл, мөрөөдөл, шунал замхардагийн тод жишээ энэ. Гэхдээ хүүхэд байсан бол маруужин руу арай өөр нүдээр харах байсан байх л даа.
За хүүхэд насны "хэрвээ би" нэг иймэрхүү. Одоо үеийн миний "хэрвээ би" бол ихэнхи нь мөрөөдөл байхаа больчихсон. Яахав хаа нэг ганц хоёр мөрөөдлүүд дунд нь цохиж явдаг л юм. Одоо бол хэзээ ч "хэрвээ би шидтэн" бол гэж ярихгүй л дээ. Дийлэнх нь адын бодлууд.
Яг одоогийн миний "хэрвээ би" бол... Ёоо энэ мэдээ уншаад л дэмий юманд нервтээд эхлэх юмаа. Хэрвээ би экс ерөнхийлөгчийн эхнэр Цолмонгийн оронд байсан бол "яахаараа миний нөхрийг баривчлахын төлөө миний болон миний хүүхдүүдийн тайван амгалан амьдрах эрхийг зөрчдөг юм" гээд л сэгсийтлээ заргалданаа. Өмнөөс нь уур хүрээд байх юмаа. Яахаараа нөхрийг нь баривчлахын тулд тэгж гэр орныг нь түйвээж, гэр бүлийнх нь бусад гишүүдийн эрхэнд тэгж бүдүүлгээр халддаг байнаа.
Ер нь цаашдаа бол бодууштай л асуудал байна энэ. Хэрвээ би улс төрч, эсвэл улс төрд хөл тавихаар завдаж буй хүнтэй гэр бүл болох аваас.... Хэрвээ чи баривчлагдах энээ тэрээ асуудал болох юм бол бидний тайван амгалан амьдралыг алдагдуулахгүйн тулд бас нэг нууц байр бэлд гэсэн шаардлага тавинаа кекеке. Гэрлэлтийн гэрээ байгуулаад энэ асуудлыг нарийвчлан тусганаа ер нь. Тэгээд тэр нөхөр жоохон асуудалд орооцолдоод л сонин энээ тэрээ дээр бичигдээд эхлэх юм бол нууц байрандаа хүүхдүүдтэйгээ очоод бүгчихнэ. Энэ асуудлыг намжтал чи гэртээ ганцаараа амьдар гээд... Аймаар амиа хичээсэн аан. За яахав гэрийн үйлчлэгчээ өдөрт нэг явуулаад гэрийг нь цэвэрлүүлээд, хоолыг нь бэлдүүлчихнээ гэвэл мөн алваа хахахаха... Улс төрчтэй гэрлэж гай болохгүй байлгүй дээ арай ккк.
0 Сэтгэгдэл:
Post a Comment