Өглөө охиноо багшид нь өгөөд анги руу нь оруулчихаад араас нь камераар харж зогслоо. Ангийнх нь үүдэнд багш нь хувцсыг нь шалгаад байх шиг байнаа. "За болсон байна ор" гэж байгаа сонсогдсон.
Ангидаа оронгуутаа эргүүлж тойруулаад харж хэсэг зогссоноо ширээний наана байгаа нэг цэнхэр сандлыг аваад нөгөө хананы наана эгнүүлээд хураасан ижилхэн цэнхэр сандалнуудын нэгэн дээр нь аваачаад давхарлаад хураачихаж байнаа. Тэгээд эргээд дахиад харж байснаа бас нэг жижиг түшлэггүй сандлыг аваад 2 ширээний голд, хананд тулгаад тавьчихаж байна. Тэгснээ анги дотуураа холхиод эргэн тойрноо баахан харж байснаа дахиад засаж янзлах юм олдоогүй бололтой, нэг шар илжгийг чихдэж аваад, татаж гаргаж ирсэнээ дээр нь суугаад цовхчиж эхэлсэн. Нээх хөөрхөн. Цааш нь үргэлжлүүлээд охиноо хараад л зогсоод баймаар байлаа. Даанч ажлаасаа хоцорчих гээд...
Гэртээ гэрээ буулгаад байдаг хүүхэд чинь цэцэрлэг дээрээ ангийнхаа юм хумыг эмхэлдэг юм байна. Охин хүүхэд мөн дөө.
0 Сэтгэгдэл:
Post a Comment